Ա.Սպենդիարյանի անվան օպերայի և բալետի ազգային ակադեմիական թատրոն

81-րդ թատերաշրջան

Երգչախումբ

Ա. Սպենդիարյանի անվան օպերայի և բալետի ազգային ակադեմիական թատրոնի
ԵՐԳՉԱԽՈՒՄԲ

1933 թվականից՝ թատրոնի հիմնադրման առաջին իսկ օրվանից երգչախումբը ծավալել է բուռն գործունեություն՝ 75 տարիների ընթացքում մասնակցելով հարյուրավոր ներկայացումների բեմադրություններին: Երգչախմբի առաջին ղեկավարը եղել է Վ. Նիկոլսկին: Որպես թատրոնի գլխավոր խմբավար աշխատել են Հայաստանի արվեստի վաստակավոր գործիչներ Կ. Կարապետյանը, Ռ. Այվազյանը: Բացի իր բուն թատերական գործունեությունից, երգչախումբը ներկայացել է հայ և արտասահմանյան ունկնդրին բազմաթիվ համերգային ծրագրերով` կազմված հայ, ռուս և եվրոպացի կոմպոզիտորների մեծակտավ ստեղծագործություններից: Օպերային թատրոնի երգչախումբն ավելի քան յոթ տասնամյակ եղել է նաև հայ երաժշտաթատերական արվեստի լավագույն  դպրոցներից մեկը, որը կրթել է բազմաթիվ երիտասարդների, ովքեր հետագայում դարձել են նշանավոր մեներգիչներ: Այսօր երգչախմբի դերասանների նոր սերունդը շարունակում է թատրոնի հիանալի ավանդույթները:

Օպերաներ՝
  • Ա. Տիգրանյան   «Անուշ»
  • Ա. Տիգրանյան  «Դավիթ  Բեկ»
  • Տ. Չուխաջյան  «Արշակ  Բ»
  • Ա. Սպենդիարյան  «Ալմաստ»
  • Ջ. Վերդի  «Տրավիատա»
  • Ջ. Վերդի  «Տրուբադուր»
  • Վ. Բելլինի  «Նորմա»
  • Ջ. Դոնիցետտի  «Պողիկտոս»
  • Ս. Ռախմանինով  «Ալեկո»
  • Ժ. Բիզե  «Կարմեն»